ඔමික්‍රෝන් කොවිඩ් ප්‍රභේදය ලොව පුරා සීඝ්‍ර ලෙස ව්‍යාප්තවීම ලෝක වෙළෙඳපොළෙහි ඉන්ධන මිලටත් බලපෑමක් සිදුකර ඇති බව විදෙස් මාධ්‍ය පවසයි.
ඒ හේතුවෙන් නව සංචරණ සීමා පැනවුවහොත් ඉන්ධන සඳහා ඇති ඉල්ලුම අඩුවෙතැයි වෙළෙඳපොල විශ්ලේෂකයෝ පවසති.
බ්‍රෙන්ට් බොර තෙල් බැරලයක මිල ඩොලර් ශත 59කින් අඩුවී තිබේ. එහි මිල දැක්වුණේ ඩොලර් 74.43ක් ලෙසය.
මෙම සතිය තුළදී බ්‍රෙන්ට් බොර තෙල් බැරලයක මිල ඒ අනුව 1%කින් අඩුවී ඇති බව දත්ත අනුව පෙනීයයි.
මේ අතර තම සමාජ මාධ්‍ය ගිණුමේ ප්‍රකාශයක් නිකුත් කරමින් බලශක්ති අමාත්‍ය උදය ගම්මන්පිළ පවසා ඇත්තේ ඉන්ධන මිල ඉහළ දැමීමට අපේක්ෂා නොකරන බවය.