දෙමළ ජාතික සංධානයට රට දෙකඩ කිරීමට අවශ්‍යවුවත් දෙමළ ජනතාවට අවශ්‍යවන්නේ සිංහල ජනතාව සමඟ එකට හිඳිමින් තම සමාජීය හා ආර්ථික ප්‍රශ්ණ විසඳාගැනීම බව යාපනයේ දෙමළ ජනතාව පවසයි.
යාපනේදී මාධ්‍ය හමුවක් පවත්වමින් දමිළ සිවිල් සංවිධාන නියෝජිතයන් පැවසුවේ උතුරේ දෙමළ ජනතාව රවටා බලය ලබා ගන්නා ද්‍රවිඩා ජාතික සංවිධානය කිසි විටෙකත් එම ජනතාවගේ සාමාජීය ප්‍රශ්න වෙනුවෙන් පෙනී නොසිටින බවයි.
උතුරු නැගෙනහිර පළාත් එකාබද්ධ කර ෆෙඩරල් පාලනයක් ලබා ගැනීම සදහා සම්මත කරගත් යෝජනාව රට දෙකඩ වීමට මගක් බවත්, ඒ හරහා නැවත යුද්ධයක් ඇතිවන බවත්, එවැනි තත්ත්වයක් ඇතිවුව හොත් දෙමළ සමාජයට යළි ගොඩ ඒමක් නොවන බවත්, තම දරුවන්ට එවැනි ඉරණමක් අත්වීමට ඉඩ දිය නොහැකි බවත් ඔවුන් අවධාරණය කරනවා.