පරිභෝගික අධිකාරියේ සභාපති හසිත තිලකරත්න මේ වන විට සිය ධුරයට අයත් නිල රාජකාරි පසෙකලා පාරිභෝගික සමිති දඩයම් කිරීම අරභා ඇති බවට චෝදනා එල්ල වෙමින් පවතී.
මේ වන විට ලියාපදිංචි කර ඇති සමිති අවලංගුකර නැවත සමිති ලියාපදිංචි කිරීමට සලස්වා තමන්ට හිතවත් සමිත පමණක් ලියාපදිංචි කිරීමට සූදානමක් බවතින බවද වාර්තා වන අතර විශේෂයෙන් තමන්ව දැඩිව විවේචනය කරන පාරිභෝගික අයිතීන් සුරැකීමේ ජාතික ව්‍යපාරය විනාශ කිරීම සදහා තම හිතවත් නිලධාරියෙකුට පවරා ඇති බවද ආරංචි මාර්ග සදහන් කරයි.
මෙසේ කිරීමට හේතුව වන්නේ සභපතිවරයා වෙනත් ආයතනයක රාජකාරි කිරීමේදී සිදුකරන ලද වංචාවක් පිළිබදව පාරිභෝගික අයිතීන් සුරැකීමේ ජාතික ව්‍යාපාරය, අල්ලස් හෝ දූෂණ විමර්ශන ඒකකයට පැමිණිලි කිරීමට සූදානමක් තිබීමය.
පාරිභෝගික අධිකාරියේ සභාපතිවරයා අමාත්‍ය රිෂාඩ් බදියුදීන්ගේ අතිජාත සගයෙකු වන අතර පසුගිය රජයේද තනතුරු කිහිපයක් දැරූ පුද්ගලයෙකි. ඔහුට අදාල තනතුර සදහා සැපිරිය යුතු අවම අධ්‍යාපන සුදුසුකම්වත් නැති බව පැවසෙන අතර දූෂණ වංචා චෝදනා කිහිපයක්ද එල්ලවී තිබේ.