අධිභාර බද්ද, EPF, ETF ඇතුළු තවත් අරමුදල් 09 කට ඇතුළත් නොවන බව මුදල් අමාත්‍ය බැසිල් රාජපක්ෂ මහතා පවසයි.
ඔහු මේ බව පවසා ඇත්තේ, ඊයේ පස්වරුවේ පැවති කැබිනට් මණ්ඩල රැස්වීමේදීයි.
මෙය 2020 සහ 2021 තක්සේරු වර්ෂය සඳහා රුපියල් බිලියන 2,000 කට වඩා බදු අය කළ හැකි ආදායමක් උපයන ලද තැනැත්තන් හෝ ආයතන මත එකවරක් පමණක් අයකරන 25% ක අධිභාරයක් පමණක් බව ද මුදල් අමාත්‍යවරයා අවධාරණය කර තිබේ.
කැබිනට් මණ්ඩල රැස්වීමේදී ඔහු වැඩිදුරටත් පවසා ඇත්තේ එවැනි පුද්ගලයින් සහ සමාගම් 69 ක් හඳුනා ගෙන ඇති බවයි.
ඔවුන්ගෙන් මෙම අධිභාරය අය කර ගැනීමේ දී රුපියල් බිලියන 105 ක් ලැබෙන බවට ද ඇස්තමේන්තු කර ඇතැයි මුදල් අමාත්‍යවරයා පවසයි.
ඒ අනුව මුදල් අමාත්‍යවරයා අවධාරණය කර ඇත්තේ එම අධිභාරය EPF, ETF සහ තවත් අරමුදල් 09 කට කිසිසේත් ම අදාළ නොවන බවයි.