වව්නියාව බෝගස්වැව ගම්මාන 14ක පීඩාවට පත් සිංහල වැසියන් මේ වන විට වව්නියාව නගරයේදී උද්ඝෝෂණයක නිරත වනවා. ඒ දැනට තමන් පදිංචිව ඉන්නා ඉඩම්වල නීත්‍යානුකූල අයිතිය තහවුරු කිරීම, මාර්ග පහසුකම් ඇතුළු යටිතල පහසුකම් ලබාදීම, වව්නියාව සිංහල ජනතාවට එල්ලවන ද්‍රවිඩ සන්ධාන බලපෑම් නවතා දෙන්නැයි ජනාධිපතිවරයා ප්‍රමුඛ රජයට බලකරමින්.
වව්නියාව බෝගස්වැව ගම්මාන 14ක සිංහල පවුල් 3500ක් පමණ ජීවත් වූ අතර විවිධ බලපෑම් සහ අවම යටිතල පසුකම්වත් නොමැතිවීම හේතුවෙන් පවුල් 1500කට ආසන්න පිරිසක් මේ වනවිටත් එම ප්‍රදේශය අතහැර පැමිණ තිබෙනවා.
