ඒකාබද්ධ විපක්ෂය නියෝජනය කරන පසුගිය රජයේ ඇමතිකම් දැරූ ප්‍රබලයන් කිහිප දෙනෙකු අත්අඩංගුවට ගැනීමේ සූදානමක් පවතින බව දේශපාලන ආරංචි මාර්ග සදහන් කරනවා.
මේ වන විට අපරාධ පරීක්ෂණ දෙපාර්මේන්තුව සහ විශේෂ මුල්‍ය අපරාධ කොට්ටාශය විසින් පසුගිය රජයේ ප්‍රබලයන් රැසකගේ වංචා හා දුෂණ පිළිබද මුලික පරීක්ෂණ අවසන් කොට ඇති බවත්, ඔවුන් අතරින් බොහෝ දෙනෙකු පසුවන්නේ අත්අඩංගුවට පත්විය හැකි මට්ටමක බවත් ඒ අනුව රජයට එරෙහිව ක්‍රියාත්මක වන දේශපානඥයන්ට එරෙහිව නිතිය ක්‍රියාත්මක වීම කඩිනම් විය හැකි බවට තොරතුරු ලැබී ඇති නිසා මහින්ද රාජපක්ෂ මහතාගේ නායකත්වයෙන් ගොඩනැගීමට සැලසුම් කල නව පක්ෂයේ කටයුතුද ඇනහිට ඇති බව සදහන්.
ඇතැම් මුල්‍ය වංචා පිළිබද චෝදනා සැකකරුවනට ඇපදිය නොහැකි මට්ටමේ ඒවා බවද පැවසෙනවා. ඒ අනුව අදාළ නායකයන් අත්අඩංගුවට පත්වුවහොත් නව දේශපාලන පක්ෂයක් සැදීම කෙසේවෙතත් ඔවුන්ගේ දේශපාලන ගමන පවා අහෝසි විය හැකි බව දේශපාලන විචාරකයන්ගේ මතයයි.