Colombo Today Local News

2015 ජනවාරි 9 සිට මේ දක්වා කොටස් වෙළෙඳපොළ බිදවැටීම බිලියන 600යි

පසුගිය මාස 14 ක කාලය තුළ කොළඹ කොටස් වෙළෙඳපොළේ ප‍්‍රාග්ධන අලාභය රුපියල් බිලියන 600 ඉක්මවන බව කොටස් වෙළෙඳපොළ ආරංචිමාර්ග පවසයි.

2015 ජනවාරි 9 වන දින නව රජය බලයට පත් වන විට කොළඹ කොටස් වෙළෙඳපොළේ සමස්ත කොටස් මිල දර්ශකය ඒකක 7,605ක් වූ අතර, 2016 මාර්තු 09 වන දින උදෑසන වන විට සමස්ත කොටස් මිල දර්ශකය ඒකක 5,802 දක්වා, එනම් සියයට 23.7කින් (ඒකක 1,802කින්) පහත බැස තිබේ.

ගෝලීය ආර්ථිකය දුර්වල වීම, මුදල් ඒකක අවප‍්‍රමාණය හා පොලී අනුපාත ඉහළ යාම අවපාතයට හේතු වන බව කොටස් වෙළෙඳපොළ තැරැව්කරුවෝ කියති.

ඉපැයූ ලාභය මත බදු පැනවීම ගැන ඇමැතිවරයා පාර්ලිමේන්තුවේ දී අදහස් පළ කිරීමත් සමඟ දින දෙකක් තුළ කොටස් වෙළෙඳපොළ අගය එක්ක 200කට වැඩි ප‍්‍රමාණයකින්, එනම් සියයට හතරකින් පමණ අඩු වුණු බව ද වාර්තා වේ.

රට හමුවේ ඇති ආර්ථික අර්බුදයට වත්මන් ආණ්ඩුව පැහැදිලි විශ්වාසයකින් යුතුව මුහුණ දෙන බව පෙනෙන තෙක් හා විදේශ ආයෝජන රට තුළට ගොනැවිත් සංවර්ධනයට යොදවන තෙක් කොටස් වෙළෙඳපොළ සැලකිය යුතු වර්ධනයක් නොවනු ඇතැයි ද එම තැරැව්කරුවෝ කියති.

වරාය නගර ව්‍යාපෘතිය නැවත ආරම්භ කිරීම, පොලී අනුපාත හා මුදල් ඒකක අගය ස්ථාවර කිරීම වැනි පියවර ද එවැනි වර්ධනයකට හේතු වනු ඇති බව ඔවුන්ගේ අදහසයි.

(රාවය)

Related posts

නීතිවිරෝධීව මෙරට 7000ක් සිටිනවා – ආගමන විගමන දෙපාර්තමේන්තුව

colombotoday

දිවයින පුරා පාසල් අනධ්‍යයන සේවකයින් ලෙඩවෙයි

Admin

පොලිස් කොස්තාපල්වරයෙකු ගෙළ වැළලා ගනී

colombotoday

රිෆ්කාන් බදියුදීන් ඇතුළු දෙදෙනෙකුට එරෙහි පැමිණිල්ලට සම්බන්ධ සෙසු සැකකරුවන් අත්අඩංගුවට ගන්නැයි අධිකරණයෙන් නියෝගය

colombotoday

69 ලක්‍ෂකට අද ටේප් පටි අරන් පොල් ගන්න යන්න වෙලා.. බොහෝ වියත් ආකාරයෙන් ජනතාවට සලකන බව පේනවා..

colombotoday

“පාසල් අගෝස්තුවේ විවෘත කරනවා”

colombotoday