පසුගිය 28 වනදා රාජගිරිය ජනාධිපති විදුහල ඉදිරිපිටදී ඇමති පාඨලීි චම්පික රණවක විසින් පැදවූ ජීප් රථයේ ගැටීම නිසා අසාධ්‍ය තත්වයේ මේ වන විටත් කොළඹ ජාතික රෝහලේ දැඩි සත්කාර ඒකකයේ ප‍්‍රතිකාර ලබන තම මිතුරා සම්බන්ධයෙන් සාධාරණය ඉටු කරන ලෙස සිද්ධිය ඇසින් දුටු තරුණයන් දෙදෙනෙකු ඊයේ දිනයේ පොලිස් මූලස්ථානය වෙත පැමිණිල්ලක් ගොනු කලේය.
තමන් එම අනතුර සිදු වූ අවස්ථාවේදී ඇමතිවරයා පැහැදිලිව හඳුනාගත් බව පවසන එම සාක්‍ෂිකරුවන් පසුව බොරැල්ල පොලීසියේදී වෙනත් රියදුරෙකු යොදවා තම කට උත්තර පවා වෙනස් කර ඇති බව කියයි.
ඔවුන් වැඩි දුරටත් ඉල්ලා සිටින්නේ ඇමතිවරුන් අසනීප වූ පසු සිංගප්පුරු යවා ප‍්‍රතිකාර ලබා දෙන ආකාරයට ඇමතිවරයෙකු විසින් අනතුරට පත් කල තම මිතුරාද එසේ විදෙස් ප‍්‍රතිකාර ලබා දෙන ලෙසයි.
අනතුර ඇසින් දුටු සාක්‍ෂිකරුවන් ලැබීමේ දැන් තත්වය මත ඇමති චම්පික රණවකට තමන් මුලින් බොරු කියා නීතිය නොමඟ යැවූ බව පිලිගන්නට වනු ඇත. තරුණයන්ගේ සාක්‍ෂි නොසලකා ඇමතිවරයා අත්අඩංගුවට ගැනීමට කටයුතු නොකරන්නේ නම් ඔවුන් විසින්ම සපථ කරන ලද යහපාලනය යටතේ නීතියේ ආධිපත්‍ය සුරැකීම මහා විහිළුවක් වනු ඇත.
– ජනක සුබසිංහ
Lankacnews