බරපතළ යුද අපරාධ පහක්‌ සිදු කළ කොටි ත්‍රස්‌තයන් දසදෙනකු මානව හිමිකම් කොමසාරිස්‌ සෙයිද් රාද් හුසේන් ලවා බේරා ගැනීමට ද්‍රවිඩ සන්ධානය සහ උතුරේ රාජ්‍ය නොවන සංවිධාන දැඩි උත්සාහයක්‌ ගත් බව අනාවරණය වී ඇත.
විල්පත්තු කැලෑවේදී කර්නල්වරයකු ඇතුළු සෙබළුන් 8 දෙනකු ගමන් කළ ජීප් රියක්‌a බිම්බෝම්බ ප්‍රහාරයකින් විනාශ කිරීම, හමුදා භටයන් 57 ක්‌ සමග අනුරාධපුරයේදී ඇන්ටනෝව් යානාවක්‌ විනාශ කිරීම, අනුරාධපුර ගුවන් කඳවුරට ප්‍රහාර එල්ල කර යානා 16 ක්‌ විනාශ කිරීම විල්පත්තුවේදී ඇන්ටනෝව් යානාවක්‌ මිසයිල එල්ල කර විනාශ කිරීම සහ මේජර් ජෙනරාල් ජානක පෙරේරා ඝාතනය කිරීම යන චෝදනා මෙම කොටි සාමාජිකයන්ට ඉදිරිපත් වී තිබුණි. මේ අතර රැඳවුම් භාරයේ සිටි හිටපු කොටි ත්‍රස්‌තයෝ 7 ක්‌ නිදහස් කර ඇත. ඔවුන් අතර මැලේසියාවේදී අත්අඩංගුවට ගත් හිටපු කොටි ක්‍රියාකාරිකයකු ද වේ.
කීර්ති වර්ණකුලසූරිය