කළුතර බන්ධනාගාරයේ තාප්පයට ඉහළින් බන්ධනාගාරයේ D අංශයට තහනම් ද්‍රව්‍ය අඩංගු පාර්සලයක් විසිකරන අවස්ථාවේදී බන්ධනාගාර නිලධාරීන් විසින් එය සිය භාරයටගෙන ඇත.
අංක 5 මුර කුටියේ රාජකාරී කළ නිලධාරින් ඒ බව නිරීක්ෂණය කර මෙම භාණ්ඩ සිය භාරයට ගෙන තිබේ.
අදාළ පාර්සලය තුළ තිබී ජංගම දුරකථන 03ක්, ගංජා යැයි සැක සහිත ද්‍රව්‍ය ග්‍රෑම් 45ක්, දුම්කොළ 4ක්, ලයිටර් 05ක්, අයිස් මත්ද්‍රව්‍ය ග්‍රෑම් 05ක්, සුදු කඩදාසි කොළ 05ක් සොයාගෙන තිබේ.