කෙසෙල් ගෙඩියක කොටසක් උගුරේ සිරවීමෙන් මාස 11ක් වයසැති බිළිදෙක් මියගොස් තිබේ.
තම මව විසින් ආහාර වශයෙන් ලබාදුන් කෙසෙල් ගෙඩි කැබැල්ලක් සිරවීම හේතුවෙන් බිළිඳා ගොන්නගහහේන රෝහලට ඇතුළත් කිරීමෙන් පසුව මියගොස් ඇති බව පොලීසිය පවසයි.
එලෙස මියගොස් ඇත්තේ, අහංගම පොලිස් වසමේ අංක 56, මැදගේට්ටුව, ඇද්දුන්කැළේ ලිපිනයේ පදිංචි චලන නිම්සර නැමති පිරිමි දරුවෙකි.
බිළිඳාගේ සිරුර ඉදිරි විමර්ශන සඳහා ගාල්ල කරාපිටිය රෝහලට යොමුකර ඇති බව පොලීසිය සඳහන් කරයි.