දක්ෂිණ අධිවේගී මාර්ගයේ මාතර දෙසට ධාවනය වෙමින් තිබූ බස් රථයක් ලොරි රථයක ගැටීමෙන් අනතුරක් සිදු වී තිබේ.
දක්ෂිණ අධිවේගී මාර්ගයේ 73 වන කිලෝමීටර කනුව අසල අද (23) උදෑසන එම අනතුර සිදුවී තිබේ.
විනෝද චාරිකාවක් යමින් සිටි පිරිසක් ගමන් කරමින් සිටි බස් රථයක් මෙලෙස අනතුරට ලක්ව ඇති අතර අනතුරින් තුවාළ ලැබූ පුද්ගලයින් 11 දෙනෙකු මේ වනවිට රෝහල් කිහිපයක් වෙත ඇතුළත් කර ඇති බව වාර්තා වේ.
අනතුර හේතුවෙන්, කොළඹ සිට ගාල්ල දෙසට ගමනාගමන කටයුතු සඳහා බාධා එල්ල වී ඇත.
පොලිසිය සඳහන් කර ඇත්තේ, කොළඹ සිට පැමිණෙන වාහන කුරුදුගහ හැතැප්ම අන්තර් හුවමාරුවෙන් පිටවී නැවත බද්දේගම අන්තර් හුවමාරුවෙන් දක්ෂිණ අධිවේගී මාර්ගයට පිවිසිය හැකි බව ය.