අද දවසේ නිදහස් උළෙලට නොපැමිණ, ජාතික ගීය ද්‍රවිඩ භාෂාවෙන් ගායනා කිරීම දැවැන්ත ප්‍රශ්නයක් ලෙස සලකන පිරිස් මේ රට බෙදනවාට පක්ෂ වන පිරිසක් බවත්, රටේ විනාශය දකින්න කැමති පිරිසක් බවත් විදුලිබල හා බලශක්ති අමාත්‍ය අජිත් පී පෙරේරා මහතා පවසයි.
කලුතර දී පැවති ජනහමුවකට සහභාගී වෙමින් අමාත්‍යවරයා පැවසුවේ ජාතික ගීය දෙමළ භාෂාවෙන් ගායනා කිරීම අළුත් දෙයක් නොවන බවත්, අද සිදුවූයේ පැරණි සම්ප්‍රදාය යළි ස්ථාපිත කිරීම බවත්ය.
ව්‍යවස්ථානුකූලව එලෙස ද්‍රවිඩ භාෂාවෙන් ගායනා කිරීම අනුමත කර ඇති බවත්,තමන්ට දැනෙන,තමන්ට හැඟෙන,තමන් දන්නා භාෂාවකින් ගායනා කරන ලෙස මිස එසේ නොදන්නා භාෂාවකින් ජාතික ගීය ගායනා කරන ලෙස යම් ජන කොටසකට බලකිරීම නොගැලපෙන බව නි.අමාත්‍යවරයා පැවසීය.