තමිල්නාඩු ප්‍රාන්තයේ රාමනාතපුරම් දිස්ත්‍රික්කයේ ඉන්දීය රුපියල් කෝටි 110 ක් වටිනා මත්ද්‍රව්‍ය ශ්‍රී ලංකාවට ජාවාරම් කිරීමට උත්සාහ දැරූ සැකකරුවන් දෙදනෙකු තමිල්නාඩු බුද්ධි අංශ අත්අඩංගුවට ගෙන තිබේ.
සැකකරුවන් දෙදෙනා සමඟ මෙතම්ෆටමයින් (අයිස්) මත්ද්‍රව්‍ය කිලෝ 35 ක් සහ ගංජා තෙල් කිලෝ 50 ක් ද අත් අඩංගුවට ගැනීමට බුද්ධි අංශ නිලධාරීන් සමත්ව ඇත.
පරමාකුදි නගරයේදී තමිල්නාඩු බුද්ධි අංශයට ලද තොරතුරක් මත වාහන පරික්ෂා කිරීමේදී මෙම සැකකරුවන් දෙදෙනා මත් ද්‍රව්‍ය සමඟ අත්අඩංගුවට ගෙන ඇත.
සැකකරුවන් පැමිණි වාහනයේ තිබී තහනම් මත් ද්‍රව්‍ය කිලෝ 88 ක් අත්අඩංගුවට ගත් බවත් මේ පිළිබඳ වැඩිදුර විමර්ශන සිදුකරන බවත් තමිල්නාඩු බලධාරීහු ප්‍රකාශ කළහ.