ඇඹිලිපිටිය ප්‍රදේශයේ පසුගියදා පැවති සාදයක් අතරතුරදී පොලීසිය හා ප්‍රදේශවාසීන් පිරිසක් අතර ඇතිවූ ගැටුමේදී පුද්ගලයෙකු ජීවිතක්ෂයට පත්වීමට අදාළව සැකපිට සහකාර පොලිස් අධිකාරී ඩී.ඩබ්.සී ධර්මරත්න මහතා අත්අඩංගුවට ගෙන තිබේ.
ඊයේ (02) පෙරවරුවේ ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුවට කැඳවා ඇති ඔහු පසුව අත්අඩංගුවට ගෙන ඇති බව සඳහන්ය.
සිද්ධියට අදාළව සහකාර පොලිස් අධිකාරීවරයාට මෙන්ම මූලස්ථාන පොලිස් පරීක්ෂක එස්.ආර් ජිනේන්ද්‍ර ඩයස් ඇතුළු පොලිස් නිලධාරීන් කිහිපදෙනෙකුම අත්අඩංගුවට ගන්නා ලෙස අධිකරණය විසින් පසුගියදා නියෝග කර තිබිණි.
කෙසේ වෙතත් අධිකරණ නියෝගයෙන් දින ගණනක් ගතවී තිබුණද නීතිපති උපදෙස් නොමැතිව පොලිස් නිලධාරීන් අත්අඩංගුවට ගත නොහැකි බව පොලිස් මාධ්‍ය ප්‍රකාශකවරයා පවසා තිබිණි.