කළුතර, පයාගල, පාලයන්ගොඩ ප්‍රදේශයේ වෙළෙඳසැලක ගින්නක් හටගෙන තිබේ.
ගොඩනැගිලි ඉදිකිරිම් ද්‍රව්‍ය අලෙවි කරන වෙළෙඳසැලක ගින්න හටගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.
කළුතර ගිනි නිවිම් ඒකකයේ නිලධාරින් විසින් අදාළ ගින්න මැඩපත්වා ඇති බව සඳහන් වේ.
ගින්න සම්බන්ධයෙන් සිදුකළ මූලික විමර්ශනවලදී ගින්නට හේතුව ගෑස් කාන්දුවකින් සිදු වූ පිපිරමක් නොවන බවට අනාවරණය වූ බව පොලීසිය පැවසුවේය.
කෙසේවෙතත් ගින්නෙන් වෙළෙසැලේ හිමිකරුට සුළු තුවාල සිදුව තිබේ.