ජිනීවා මානවහිමිකම් කොමිසමෙන් මෙරටට යුද අපරාධ චෝදනා එල්ල වී නැතැයි ජනාධිපති මෛත්‍රිපාල සිරිසේන මහතා පැවැසීය. අල්ජසීරා රූපවාහිනි සේවය සමග සම්මුඛ සාකච්ඡාවකට එක් වෙමින් ජනාධිපතිවරයා මේ බව කියා සිටියේය.
ජිනීවා මානවහිමිකම් කොමිසමෙන් මානව හිමිකම් චෝදනා එල්ලවී ඇති බවත් ඒ සම්බන්ධයෙන් අවශ්‍ය කටයුතු දැනටමත් සිදුකර ඇති බවත් ජනාධිපතිවරයා මෙහිදී සඳහන් කළේය.
යුද්ධයේදී අපේ හමුදාව ක්‍රියාකර ඇත්තේ ජාත්‍යන්තර යුද නීතියට අනුකූලව බවද එල්ටීටීඊ සංවිධානය යුද නීති උල්ලංඝනය කර ඇති බවත් ජනාධිපතිවරයා මෙහිදී පෙන්වා දුන්නේය.