අප්‍රේල් 21 ප්‍රහාරය සම්බන්ධයෙන් විමර්ශනය කිරීමට පත් කළ ජනාධිපති පරීක්ෂණ කොමිෂන් සභවේ වාර්තාව සහ ආරක්ෂක කටයුතු පිළිබඳ පාර්ලිමේන්තුවේ ආංශික අධීක්ෂණ කාරක සභාවේ වාර්තාව සම්බන්ධයෙන් අධ්‍යනය කිරීමට පත් කළ අමාත්‍ය මණ්ඩල අනු කමිටුව අද(12)දින රැස් වෙයි.
එහි සභාපති අමාත්‍ය චමල් රාජපක්ෂ මහතාගේ ප්‍රධානත්වයෙන් කමිටුව අද පස්වරු පස්වරු 2.30 ට රැස්විමට නියමිතය.
ලබන 15වැනිදාට හෝ ඊට පෙර සිය යෝජනා ජනාධිපතිවරයාට භාර දීම සඳහා අඛණ්ඩව ඉදිරි දින 3ක් රැස්වීමට සැලසුම් කර ඇති බව එහි ප්‍රකාශකයෙකු සඳහන් කළේ ය.
ඔහු සදහන් කළේ, අදාල වාර්තා සම්බන්ධයෙන් අමාත්‍ය අනු කමිටුවේ අමාත්‍යවරුන් මේ වනවිට සිය යෝජනා සහ මතයන් ලබා දී ඇති බවයි.
සියලු අදහස් අධ්‍යනය කර අවසානයේ මෙම නිර්දේශ ක්‍රියාත්මක කිරිම පිළිබඳව සිය කමිටුවේ මතය ජනාධිපතිවරයාට දැනුම් දෙන බව එහි ප්‍රකාශකයා සඳහන් කළේ ය.