පුඩළුඔය ප්‍රදේශයේ පෞද්ගලික ඇඟලුම් කර්මාන්ත ශාලාවක නිලධාරින් සහ සේවකයින් 69 දෙනෙකුට කොවිඩ්-19 වෛරසය අසාදනය වී ඇති බවට තහවුරුවීමෙන් එම ඇඟලුම් කර්මාන්ත ශාලාව තාවකාලිකව වසා දමා තිබේ.
එම ආයතනයේ අසාදිතයන්ගේ ආශ්‍රිතයින් ස්වයං-නිරෝධානයට යොමුකිරීමට පියවරගත් බව කොත්මලේ සෞඛය වෛද්‍ය නිලධාරි කාර්යාලයේ පරිපාලන මහජන සෞඛ්‍ය පරික්ෂක බන්දුල වික්‍රමසිංහ මහතා පැවසිය.
එම ඇඟලුම් කර්මාන්ත ශාලාවේ සේවකයන් 850 දෙනෙකු පමණ සේවය කරන බවත්, ඉන් 799 දෙනෙකු ඊයේ (10)දින රැපිඩ් ඇන්ටිජන් පරීක්ෂාවට ලක්කර තිබේ.
ආසාදිතයන් අතර රියදුරෙකු ද සිටින බවත්, ආසාදිතයන් කිහිපදෙනෙකු දිස්ත්‍රික්කයෙන් පිට ප්‍රදේශවල අය බවත්, අසාදිතයන් වැඩි පිරිසක් තම සෞඛ්‍ය වෛද්‍ය නිලධාරි කාර්යාල බලප්‍රදේශයේ පදිංචිකරුවන් බවත් ඔහු කීය.