ග්‍රෑන්ඩ්පාස්, සමගිපුර මහල් නිවාස සංකීර්ණයේ තෙවන මහලෙන් විසි කිරීමෙන් බරපතළ තුවාල ලැබූ දරුවෙකු ජීවිතක්ෂයට පත් වී තිබේ.
පොලිස් මාධ්‍ය ප්‍රකාශක කාර්යාලය සඳහන් කළේ, වයස අවුරුදු 1 1/2ක් දරුවෙකු එලෙස මිය ගොස් ඇති බව ය.
දරුවාගේ මවගේ වැඩිමහල් සහෝදරයා විසින් එම දරුවාව අදාළ මහල් නිවාසයේ තෙවන මහලින් පහළට විසි කරනු ලැබ ඇති බවට අනාවරණය වී ඇතැයි පොලිසිය පවසයි.
සිද්ධිය සම්බන්ධයෙන් 36 හැවිරිදි සැකකරු අත්අඩංගුවට ගෙන තිබේ.
කෙසේ වෙතත්, දරුවා එලෙස මහල් නිවාසයෙන් පහළට විසි කිරීමට හේතුව මෙතෙක් අනාවරණය වී නැත.
මිය ගිය දරුවාගේ දේහය කොළඹ ජාතික රෝහලේ තැන්පත් කර ඇති බව පොලිසිය සඳහන් කරයි.