Colombo Today Local News

තියුණු ආයුධ රැගෙන කඩාවැදී නිදි යහනේ දී පුද්ගලයකු කපා කොට ඝාතනය කරයි

පාදුක්ක තුන්නාන ගම්මැද්ද නිවෙසකට තියුණු ආයුධ රැගෙන කඩාවැදුණු පුද්ගලයන් දෙදෙනෙක් ඇඳක නිදා සිටි පුද්ගලයකු තියුණු ආයුධවලින් කපා කොටා ඝාතනය කර ඇතැයි පාදුක්ක පොලිසිය කියයි.

මෙලෙස ඝාතනයට ලක්ව ඇත්තේ තුන්නාන ගම්මැද්ද ප්‍රදේශයේ පදිංචිව සිටි හේමන්ත පුෂ්පකුමාර කුමාර නොහොත් ගංජා හේමන්ත 45 නමැත්තෙකි.

ඝාතනයට ලක් වූ පුද්ගලයා පදිංචි නිවසේ නොසිට ආරක්ෂාව පතා වෙනත් නිවසක කාමරයක නිදා සිටියදී තියුණු ආයුධ දෙකක් රැගෙන එම නිවසට කඩාවැදුණු පුද්ගලයන් දෙදෙනෙකු නිදාසිටි ඇද මතදීම ඔහුව කපා කොටා ඝාතනය කර ඇති බව පොලිස් විමර්ශනවලදී අනාවරණය වී තිබේ.

ඝාතනයට ලක්වූ පුද්ගලයා ගංජා ජාවාරමේ යෙදෙන්නෙක් වන අතර තියුණු ආයුධවලින් පුද්ගලයෙකුට පහරදීමේ සිද්ධියකට සම්බන්ධ වූවෙක් බවත් ඊට අමතරව ඔහුට විරුද්ධ ගංජා ළඟ තබාගැනීම සම්බන්ධයෙන් නඩුවක් ද විභාග වන බවත් පොලිසිය කියයි.

තවද කාන්තාවක් සම්බන්ධයෙන් ආරවුලක් ද තිබෙන බවටත් පොලිස් නිලධාරියෙක් පැවැසීය.

ඝාතනයට පැමිණි පුද්ගලයන් දෙදෙනා මෙතෙක් හඳුනා ගෙන නැතැයි පොලිසිය කියයි.

ඝාතනය සම්බන්ධයෙන් මහේස්ත්‍රාත් පරීක්ෂණයක් පැවැත්වීමට නියමිතව ඇතැයි පොලිස් නිලධාරියෙක් පැවැසීය.

Related posts

ආගමික ස්ථාන ඉදිකිරීම ගැන එන අලුත් පනතින් වෙන්න යන දේ ගැන හිටපු ජනපති අනතුරු අගවයි

colombotoday

මුලතිව් ගුරුකන්ද විහාරය වසර 2000 කට වඩා පැරණි බෞද්ධ නටබුන් සහිත භූමියක් – පුරාවිද්‍යා අධ්‍යක්ෂ ජනරාල් උසාවියේදී කියයි

colombotoday

නව ව්‍යවස්ථාව මර උගුලක්.. ඒකීය රාජ්‍ය කඩන්න කීයටවත් ඉඩ දෙන්නෑ – වාසු බලය බෙදීම ගැන වමේ මතය කියයි

colombotoday

ශ්‍රී ලංකාවේ ජනපති බොරු කියන බව රොයිටර් ලෝකෙටම කියයි

colombotoday

මහින්දට විපක්ෂ නායක වීමට අවස්ථාවක් !

colombotoday

දේශීය ණය ප්‍රශස්තකරණ සැලැස්ම ගැන තීරණයකට රාජ්‍ය මුදල් කාරක සභාව අද රැස්වෙයි..

Admin