අනුරාධපුර, පාදෙණිය ප්‍රධාන මාර්ගයේ මොරගොඩදී ලොරි රථයක් සහ ස්කැමල් රථයක් එකිනෙක ගැටීමෙන් අනතුරක් සිදුව තිබේ.
කොළඹ සිට යාපනය දෙසට ටයිල් ප්‍රවාහනය කරමින් තිබු ලොරි රථයක් සහ බියගම සිට අනුරාධපුර දෙසට බියර් ප්‍රවාහනය කරමින් තිබූ රථයක් එකිනෙක ගැටීමෙන් අනතුර සිදුව ඇති බවයි.
ටයිල් ප්‍රවාහනය කළ ලොරි රථය මාර්ගය අසල නවතා තිබියදී පසුපසින් පැමිණි ස්කැමල් රථය නවතා තිබූ ලොරියේ පසුපස ගැටීමෙන් අනතුර සිදුව ඇත.
අනතුරින් කිසිවෙකුටත් තුවාල සිදුව නොමැති අතර රියදුරුට නින්ද යාම හේතුවෙන් අනතුර සිදුවන්නට ඇතැයි, පොලීසිය සැක පළ කරයි.