ෆීල්ඩ් මාර්ෂල් සරත් ෆොන්සේකා මහතා සහ එක්සත් ජාතික පක්ෂයේ නායක,අග්‍රාමාත්‍ය රනිල් වික්‍රමසිංහ මහතා අතර අවබෝධතා ගිවිසුමකට අත්සන් තැබීම අද සිදුවිය.
එක්සත් ජාතික පෙරමුණ ලෙස ඉදිරියේදී ක්‍රියා කරන බවට මෙම පක්ෂ දෙක අතර එකඟතාව ඇතිවූයේ අරලියගහ මන්දිරයේදීය. රනිල් වික්‍රමසිංහ මහතාගේ දේශපාලන නායකත්වයෙන් රටට වැඩදායි ඉදිරි ගමනක් යාම තම අපේක්ෂාව බවයි එම අවස්ථාවට එක්වෙමින් සරත් ෆොන්සේකා මහතා පැවසුවේ.
එහෙත් ඒ මොහොතේ පැවති දේශපාලන තතු සලකා බලා තනිව ගමනක් ගිය බවත්, මේ මොහොතේ රටේ කාලීන අවශ්‍යතාවන් සලකා රටට වැඩදායි යමක් කිරීමේ අභිප්‍රායෙන් මෙලෙස එකඟතාවකට පැමිණි බවත් ෆොන්සේකා වැඩිදුරටත් පැවසීය. කෙසේ වෙතත් ඌණ පූර්ණයක්ව පවතින ජාතිත ලැයිස්තු ධූරයේ ෆීල්ඩ් මාර්ෂල් සරත් ෆොන්සේකා නම් කරනු ඇති බව ද සදහන්.
