ජාත්‍යන්තර චෝදනාවලට මුහුණදීමේ දී ත්‍රිවිධ හමුදාවේ ගෞරවය සහ අභිමානය ආරක්ෂා කිරීමට රජය බැදී සිටින බව ජනාධිපති මෛත්‍රීපාල සිරිසේන මහතා පවසනවා.
ජනපතිවරයා මෙසේ ප්‍රකාශ කළේ අද පෙරවරුවේ පනාගොඩ ශ්‍රී ලංකා පාබල හමුදා මූලස්ථානයේ පැවැති වර්ණ ප්‍රධානොත්සවයට එක් වෙමින්. ලෝකයේ ප්‍රබල රාජ්‍යවල ප්‍රබල හමුදාවන්වල ඓතිහාසික තොරතුරු පිළිබද තමන්ට ඇති අවබෝධය මත කිසියම් ආකාරයකින්වත් මේ රටේ ත්‍රිවිධ හමුදාව ආරක්ෂක අංශ දුර්වල කිරීමට ඉඩ නොතබන බවට රණවිරු ස්මාරක ඉදිරියේ ප්‍රතිඥා දෙන බවද ජනපතිවරයා පැවසීය.
වසර 25කට පසු ශ්‍රී ලංකා පාබල හමුදාවේ වර්ණ ප්‍රධානෝත්සවයකට රාජ්‍ය නායකයෙකුගේ එක්වීම සනිටුහන් කරමින් එහිදී ජනාධිපති මෛත්‍රිපාල සිරිසේන මහතා විසින් ශ්‍රී ලංකා පාබල හමුදා රෙජිමේන්තුව වෙත ජනාධිපති වර්ණ හා රෙජිමේන්තු වර්ණ ප්‍රදානය කිරිමත්, පළමුවන ශ්‍රී ලංකා පාබල හමුදාව සහ දෙවන ශ්‍රී ලංකා ස්වේච්ඡා පාබල හමුදා ඒකකයන් වෙත ජනාධිපති වර්ණ සහ ඒකක වර්ණ ප්‍රදානය කිරීමත් සිදු කරන ලදි.
