පිටස්තර පුද්ගලයින්ට බන්ධනාගාරගතව සිටින සිරකරුවන් හමුවීම සඳහා ඇති ක්‍රමවේදය යථාවත් කිරීමට කටයුතු කරමින් ඇති බව නියෝජ්‍ය පොලිස්පති අජිත් රෝහණ මහතා පවසයි.
ආරක්ෂක අමාත්‍යංශයේ දී අද (16) පැවති මධ්‍ය හමුවකට එක් වෙමින් ඔහු මේ බව සඳහන් කළේය.
බන්ධනාගාරගතව සිටින සිරකරුවෙක් හමුවීමේදී අනුගමනය කළ යුතු ක්‍රමවේදය යතාවත් කර එය බන්ධනාගාර ආඥා පනතට රෙගුලාසියක් ලෙස එක් කරන බව ඔහු පැවසීය.
මෙම නව රෙගුලාසිය මගින් සිරකරුවන්ගේ සහ සැකකරුවන්ගේ අයිතිවාසිකම් ආරක්ෂා වන බවත් එමගින් නැරඹුම්වලදී නිතීවිරෝධී ක්‍රියා සිදු නොවීමට අවශ්‍ය සියලු පියවර ගන්නා බවත් නියෝජ්‍ය පොලිස්පතිවරයා වැඩිදුරටත් පැවසීය.