මත්ද්‍රව්‍ය ජාවාරම් කිරීමේ චෝදනාව මත අත්අඩංගුවට ගත් පොලිස් මත්ද්‍රව්‍ය නාශක කාර්යංශයේ නිළධාරීන් 13 දෙනෙකු සැප්තැම්බර් මස 22 දා තෙක් තවදුරටත් රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අධිකරණය අද (14)දින නියෝග කළා.
ඒ අදාළ නඩුව අද කොළඹ අතිරේක මහේස්ත්‍රාත් ප්‍රියන්ත ලියනගේ හමුවේ කැදවූ අවස්ථාවේදීයි.
එහිදී නියෝජ්‍ය සොලිසිටර් ජනරාල් දිලීප පීරිස් පවසා සිටියේ මෙම නඩුවේ 14 වන සැකකරු වන උදාර සම්පත් නැමැත්තා සැකකාර නිළධාරීන් සමග මත්ද්‍රව්‍ය ජාවාරම් කර ඇති බවට තොරතුරු අනාවරණය වී ඇති බවයි.
ඔහු මේ වන විට විදේශ ගතව ඇති බවත් දුරකථන සිම් කාඩ් පත් 50කට අධික ප්‍රමාණයක් තබා ගෙන මෙම සම්බන්ධතා පවත්වාගෙන ගොස් ඇති බවත් අනාවරණය වී තිබෙනවා.
රටේ පවතින කොරෝනා අවදානම හේතුවෙන් සැකකරුවන් අද අධිකරණය හමුවට ඉදිරිපත් නොකරන ලදි.