ත්‍රස්ත ක්‍රියා සම්බන්ධයෙන් ප්‍රශ්න කිරීමට අත්අඩංගුවට ගෙන තිබු සාහුල් හමීඞ් හිස්බුල්ලා යන සැකකරු වැඩිදුර විමර්ශන සඳහා ත්‍රස්ත විමර්ශන කොට්ඨාශයට භාරදී තිබෙනවා.
සැකකරු පසුගිය ජුනි මස 15 වැනිදා වැලිමඩ පොලිස් ස්ථානයේ නිලධාරීන් විසින් අත්අඩංගුවට ගෙන තිබුණා.
වැලිමඩ සිල්මියාපුර පදිංචි 21 හැවිරිදි මෙම සැකකරු මොහොමඞ් සහරාන් නමැති අය සමග හම්බන්තොට ප්‍රදේශයේ දී පුහුණුවීම් හා අවි පුහුණුව ලබා ඇති බවට අනාවරණ වී තිබුණා.
ඒ අනුව එම සැකකරු සම්බන්ධයෙන් වැඩිදුර විමර්ශන සිදුකිරීම සඳහා මෙලෙස ත්‍රස්ත විමර්ශන කොට්ඨාශයට භාරදුන් බවයි පොලිස් මූලස්ථානය නිවේදනය කළේ.