ලෝක සාමය ආරක්ෂා කිරීම සදහා ලංකා ඕනෑම උදව්වක් දීමට සූදානම් බව ජනාධිපති මෛත්‍රීපාල සිරිසේන මහතා පවසයි. ජනාධිපතිවරයා මේ බව සදහන් කළේ සමස්ත න්‍යෂ්ටික අවිහරණ ප‍්‍රඥප්ති සංවිධානයේ (CTBTO) නියෝජිත පිරිසක් ඊයේ (05) ජනාධිපති නිල නිවසේ දී හමුවූ අවස්ථාවේදී ය.
නොවැම්බර් 29 දින සිට දෙසැම්බර් 05 දින දක්වා දඹුල්ල කණ්ඩලම හෝටලයේදී ශ්රී ලංකාව ඇතුළු රටවල් 13ක සියයකට ආසන්න නියෝජිත පිරිසක් වෙනුවෙන් පැවැත්වෙන පුහුණු වැඩමුළුව අතරතුර මෙම නියෝජිත පිරිස ජනාධිපතිවරයා මුණගැසී ඇත.
ලෝකයේ කවර තැනක හෝ න්‍යෂ්ටික පිපිරවීම් නතරකිරීම මෙම සංවිධානයේ අරමුණ වන අතර ශ්රී ලංකාව ඇතුඑ එක්සත් ජාතීන්ගේ සංවිධානයේ රටවල් 185 ක් පමණ මෙම සංවිධානයේ සාමාජිකත්වය ලබාගෙන ඇත.
සංවිධානයේ කටයුතු වෙනුවෙන් සම්පූර්ණ අනුකූලතාවය දැක්වීමේ වැදගත්කම පිළිබ`දව නියෝජිත පිරිස ජනාධිපතිතුමා දැනුවත් කළ අතර ලෝක සාමයට කැපවූ රටක් ලෙස ශ්රී ලංකාව මේ සදහා සියලු සහයෝගය ලබාදෙන බවට ජනාධිපතිතුමා නියෝජිත පිරිස අමතා සඳහන් කළේය.