නිරෝධායන නීති උල්ලංඝනය කරමින් කොල්ලුපිටියේ සුපිරි නිවාස සංකීර්ණයක ඉහළ මහලේ පිහිනුම් තටාකයක් අසල සාදයක් පැවැත්වූ පුද්ගලයින් 9 දෙනෙකු අත්අඩංගුවට ගෙන තිබේ.
පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසුවේ, කොල්ලුපිටිය පොලීසිය ඊයේ රත්‍රි සිදු කළ වැටලීමකින් මෙම පිරිස අත්ඩඅගුවට ගත් බවයි.
අත්අඩංගුවට ගත් පිරිස අතර පිරිමි පුද්ගලයින් 6 දෙනෙකු සහ කාන්තාවන් 3 දෙනෙක් ද වෙති.
ඒ අතර විදේශීය ජාතික පිරිමි 2 පුද්ගලයින් දෙදෙනකු සහ විදේශීය ජාතික කාන්තාවක ද වේ.
අත්අඩංගුවට ගත් සැකකරුවන් අද කොටුව මහේස්ත්‍රාත් අධිකරණය හමුවට ඉදිරිපත් කිරීමට නියමියි.