ඩෙංගු රෝගය යළි ක‍්‍රමක‍්‍රමයෙන් හිස ඔසවමින් ඇතැයි සෞඛ්‍ය අංශ අනතුරු අගවයි.
වෛද්‍යවරුන් පවසන්නේ ප්රදේශ කිහිපයකින් දැනටමත් ඩෙංගු රෝගීන් වාර්තාවෙමින් ඇති බවයි. සාමාන්‍යයෙන් ජුනි සහ ජූලි යන මාසවල ඩෙංගු රෝගීන්ගේ ක‍්‍රමික වැඩිවීමක් පෙන්නුම් කළද මේ වසරේ එවැන්නක් සිදුවූයේ නැහැ.
එහෙත් වසරේ අග භාගය වනවිට ක‍්‍රමක‍්‍රමයෙන් ඩෙංගු රෝගීන් වාර්තා වන තත්ත්වයක් පෙනෙන්ට ඇති බවයි ජාතික බෝවන රෝග විද්‍යායතනයේ කායික රෝග පිළිබද විශේෂඥ වෛද්‍ය ආනන්ද විජේවික‍්‍රම පැවසුවේ. මදුරු කීටයින් බහුලව සිිටින බවට ප්රදේශ රැසකින් තොරතුරු වාර්තා වී ඇති බවද මෙහිදී ප‍්‍රකාශ කෙරුණා.
සිදුකර ඇති සමීක්‍ෂණයේදී අනාවරණ වී ඇත්තේ මහනුවර සහ රත්නපුර යන ප‍්‍රදේශවලින් ඩෙංගු රෝගීන්ගේ වැඩි වාර්තාවීමක් සිදුවී ඇති බවයි. කොළඹ ප්රදේශ කිහිපයකින්ද ඩෙංගු රෝගීන් හමුවී තිබෙනවා.
මේ අනුව බලධාරීන් ජනතාවගෙන් ඉල්ලා සිටින්නේ ඩෙංගු අවදානම පිළිබඳවද අවදානයෙන් කටයුතු කරන ලෙසයි.