Colombo Today Local News

යුද හමුදාව PCR පරීක්‍ෂණ සිදු කිරීමට සූදානම්

ඉදිරි මාසය ඇතුලත දී ශ්‍රී ලංකා යුද හමුදාව පීසීආර් පරීක්‍ෂණ සිදු කිරීමට සූදානම් බව යුද හමුදාපති ලුතිතන් ජෙනරාල් ශවේන්ද්‍ර සිල්වා මහතා විශ්වාසය පළ කර සිටියි.

මේ වෙනුවෙන් පීසීආර් පරීක්‍ෂණ යන්ත්‍රයක්, ජනාධිපතිතුමා විසින් ශ්‍රී ලංකා යුද හමුදාව වෙත භාර දී ඇති බවත් තවත් යන්ත්‍රයක් ඉදිරි කාලයේ දී පෞද්ගලික ආයතනයක් විසින් ලබා දීමට පොරොන්දු වී ඇතැයි ද හමුදාපතිවරයා පැවසීය.

ඒ අනුව ඉදිරියේ දී ත්‍රිවිධ හමුදාවම මෙම කටයුත්තට එක්ව වැඩි පීසීආර් පරීක්‍ෂණ සංඛ්‍යාවක් සිදු කිරීමට අපේක්‍ෂිතය.

එසේම විදේශගතව සිට ශ්‍රී ලංකාවට පැමිණ නිරෝධායනයවන විට අවිධිමත් ක්‍රමවේදයක් ක්‍රියාත්මක වන බවට එල්ලවන චෝදනාව යුද හමුදාපතිවරයා මුළුමණින්ම ප්‍රතික්ෂේප කළේය.

ඔහු කියා සිටියේ පසුගිය කාලයේ යම් ප්‍රමාදයක් පීසීආර් වාර්තාවල සිදු වූයේ මෙරට ප්‍රධානම යන්ත්‍රයක සිදු වූ බිද වැටීම බවත්, මේවන විට විදෙස් විශේෂඥයින් පැමිණ එය නිවැරදි කර ඇති බවත්ය.

එසේම මැදපෙරදිග ඩුබායි රාජ්‍යයේ උද්‍යානයක මේවන විට සිටින ශ්‍රී ලාංකිකයින් 150දෙනෙකු කඩිනමින් දිවයිනට ගෙන්වා ගැනීමට ජනාධිපතිතුමා, විදේශ කටයුතු අමාත්‍යංශ ලේකම්වරයාට උපදෙස් ලබා දී ඇති බවත් විදේශ රටවල සිරවී සිටින ශ්‍රී ලාංකිකයින් කඩිනමින් දිවයිනට ගෙන්වා ගැනීමට පියවර ගන්නා බවත් යුද හමුදාපතිවරයා වැඩිදුරටත් පැවසීය.

Related posts

පොලිස් නිලධාරිනියට සද්දේ දැමූ හොර දොස්තර කූඩුවට

colombotoday

පාස්කු ප්‍රහාරයේ පරීක්ෂණ දුර්වල කරන්න ඇතැම් පිරිස් කටයුතු කරනවා-කාදිනල් තුමා

colombotoday

අත්අඩංගුවට ගත් එක්ස්ප්‍රස් පර්ල් නෞකාවේ කපිතාන් බැඳුම්කරයක් මත මුදාහරී

colombotoday

කල්මුණේ දෙනව කියල අගමැති කිවුවා දෙමළ ජාතිකයෙකු නැගෙනහිර මහ ඇමති කරන බවත් එතුමා කිවුවා- කරුණා

colombotoday

ලංගමට නව සභාපතිවරයෙක්

Admin

අද සහ හෙට දුම්රිය ධාවනයේ ප්‍රමාදයක්

Admin