මිලේච්ච ඉස්ලාම් අන්තවාදීන් විසින් මරාගෙන මැරෙන ප්‍රහාර මාළාවක් එල්ල කර අහිංසක ජීවිත 300කට අධික ප්‍රමාණයක් ඝාතනය කර අදට මාස 3ක් සපිරේ.
අප්‍රේල් 21 කිතුණු බැතිමතුන්ට සුවිශේෂී වු වන පාස්කු ඉරිදා, ශ්‍රී ලංකාවාසීන්ට මෙන්ම සමස්ත ලෝක වාසීන්ටම ශෝක දිනයක් බවට පත්විය.
ඒ කොච්චිකඩේ, කටාන සහ මඩකලපුවේ කිතුණු දේවස්ථාන තුනක, කොළඹ ප්‍රධාන පෙළේ හෝටල් තුනක මෙන්ම දෙහිවල සහ දෙමටගොඩ ආදී ස්ථාන 08ක සිදු වූ පිපිරීම් හේතුවෙනි. කොටහේන කොච්චිකඩේ ශාන්ත අන්තෝනි කතෝලික දේවස්ථානයේ, කටාන කටුවාපිටියේ සහ මඩකලපුවේ කිතුණු දේවස්ථාන දෙකක මෙන්ම කොළඹ ෂැංග්‍රිලා, කිංග්ස්බරි සහ සිනමන් ග්‍රෑන්ඩ් යන සුපිරි හෝටල පරිශ්‍රවල මෙම පිපිරීම් මාලාව සිදුවිය.