මධ්‍යම පළාත තුළ ආර්ථික සංවර්ධනය සදහාත්, සංචාරක ආකර්ෂණය වැඩි දියුණු කිරීම සඳහාත්, මධ්‍යම පළාත් ආණ්ඩුකාර ජනාධිපති නීතීඥ මෛත්‍රී ගුණරත්න මහතාගේ සංකල්පයකට අනුව ක්‍රියාත්මක කරන මහනුවර රාත්‍රී වෙළදපොළ දෙවන වරට මහනුවර බෝගම්බර ක්‍රීඩාංගන පරිශ්‍රයේදී පැවැත්වීමට කටයුතු යොදා ඇත.
ඒ අනුව නැවත අවුරුදු සමය තේමා කර ගනිමින් මෙම රාත්‍රී වෙළදපොළ අප්‍රේල් මස 8,9,හා 10 යන දිනයන්හි පැවැත්වීමට කටයුතු යොදා තිබේ. මෙහි මූලික අරමුණු මධ්‍යම පළාත තුළ සිටින සාම්ප්‍රධායික කුඩා ප්‍රමාණයේ කර්මාන්ත කරුවන්ට ඔවුන්ගේ නිෂ්පාදන සඳහා වෙළදපොළක් නිර්මාණය කර දීම වන අතර ප්‍රාදේශීය සංචාරකයින් සඳහා දේශීය නිෂ්පාදන මිලදී ගැනීමට වෙළදපොළක් සකසා දීමද මෙහි තවත් අරමුණකි.