Colombo Today Local News

පොලිසියේ 3ක් ඇතුළු 4කට නීතිය ක්‍රියාත්මක කර නෑ… ශානිට එරෙහිව පැමිණිල්ලක්!

පීඩාකාරී ආයුධ සන්තකයේ තබා ගැනීමේ සිද්ධියකට සම්බන්ධ පොලිස් නිලධාරීන් තිදෙනකු ඇතුළු සිව්දෙනකුට එරෙහිව නීතිය ක්‍රියාත්මක කිරීමට අපොහොසත් වූ අපරාධ පරීක්‍ෂණ දෙපාර්තමේන්තුවේ අධ්‍යක්‍ෂ ජ්‍යෙෂ්ඨ පොලිස් අධිකාරි ශානි අබේසේකර අධිකරණය හමුවට පමුණුවන ලෙස සහ ඔහුට විදේශ ගමන් තහනම් කරමින් නියෝගයක් නිකුත් කරන ලෙසට ඉල්ලා නීතිඥ ජාලිය සමරසිංහ මහතා කළ ඉල්ලීම සම්බන්ධයෙන් නියෝගය අනිද්දා (23 වැනිදා) නිකුත් කිරීමට කොළඹ ප්‍රධාන මහෙස්ත්‍රාත් ලංකා ජයරත්න මෙනවිය ඊයේ (20 දා) තීරණය කළාය.

ශානිට එරෙහිව පැමිණිල්ලක්
අධිකරණය විසින් අවස්ථා දෙකකදී නියෝග කර තිබියදීත් සිය රාජකාරිය පැහැර හැරීමෙන් වගඋත්තරකාර ජ්‍යෙෂ්ඨ පොලිස් අධිකාරිවරයා ලංකා දණ්ඩ නීති සංග්‍රහයේ 216 වගන්තිය යටතේ ගැනෙන දඬුවම් ලැබිය හැකි වැරදි සිදුකර ඇතැයි පෙන්වා දෙමින් නීතිඥ ජාලිය සමරසිංහ මහතා ඊයේ පස්වරුවේ කොළඹ ප්‍රධාන මහෙස්ත්‍රාත්වරයා හමුවේ පුද්ගලික නඩුවක් පවරා තිබිණි.

සැකකාර ජ්‍යෙෂ්ඨ පොලිස් අධිකාරිවරයා එම නඩුව මඟහැර විදේශ ගතවීමේ සූදානමක් තිබෙන බවද නීතිඥ ජාලිය සමරසිංහ අධිකරණයට පෙන්වා දුන්නේය.

පීඩාකාරී ආයුධ තබා ගැනීමේ සිද්ධියක් සම්බන්ධයෙන් හිටපු නියෝජ්‍ය පොලිස්පති වාස් ගුණවර්ධන මහතා ඇතුළු පොලිස් නිලධාරීන් පිරිසකට එරෙහිව කොළඹ ප්‍රධාන මහෙස්ත්‍රාත් අධිකරණය හමුවේ පවතින නඩුවේ සැකකරුවන් ලෙස ද සම්පත් දේවගේ, සමීර සුසන්ත, දොන් සමරතුංග යන පොලිස් කොස්තාපල්වරුන් දෙදෙනා සහ ශිරන්ති සංජීවනී, අසංක නැලිගම යන දෙදෙනා අධිකරණයට ඉදිරිපත් කරන ලෙසද කොළඹ පූර්වගාමී ප්‍රධාන මහෙස්ත්‍රාත්වරයා විසින් 2015 මාර්තු 04 දා සහ 2015 ජුලි 18 වැනිදා අපරාධ පරීක්‍ෂණ දෙපාර්තමේන්තුවට නියෝග කර ඇති බවද නීතිඥ ජාලිය සමරසිංහ මහතා දිවුරුම් ප්‍රකාශයක් මගින් අධිකරණයට පෙන්වා දී තිබිණි.

Related posts

රට ගොඩනැගීමට නම් මූල්‍ය විනයක් අත්‍යවශ්‍යයි – ජනාධිපති රනිල් වික්‍රමසිංහ

Admin

ගුවනින් නිරීක්ෂණය කිරීමෙන් පසු සංචරණ නීති කැඩූ මෝදර 15 ක් අත්අඩංගුවට

colombotoday

අනුර කුමාරට බිත්තර-ගල් ගසා පොලිසියට බාර දුන් දෙදෙනා අතුරුදන්.

colombotoday

49 වන ශ්‍රී ලංකා ජනරජ දිනය අදයි

colombotoday

2018දී පාර්ලිමේන්තුවේ වචනයක් කතා නොකළ මන්ත්‍රීවරු 13ක්

colombotoday

ස්වශක්ති ණය යෝජනාව අනුමතයි

colombotoday