Colombo Today Local News

නිදහස් දා ඥානසාර හිමි නිදහස් නොකරයි

සිරගත කර සිටින බොදු බල සේනා මහ ලේකම් රාජකීය පණ්ඩිත ගලගොඩඅත්තේ ඥානසාර හිමි හෙටට යෙදෙන නිදහස් දිනයේදී ජනාධිපතිවරයා විසින් නිදහස් නොකිරීමේ තිරණයක සිටින බව වාර්තා වෙනවා.

මහනායක හිමිවරුන් ඇතුළු සියලු සංඝ සභා විසින් නිදහස් දිනයේදී “ජනාධිපති පොදු සමාව” යටතේ ඥානසාර හිමි නිදහස් කරන ලෙස ජනාධිපතිවරයාගෙන් ලිඛිත ඉල්ලීම් සිදු කර තිබුණු අතර ඊට සමගාමීව මහනුවර දළදා මාලිගාවේ දියවඩන නිලමේවරයා, ශ්‍රී ලංකා හිංදු සම්මේලනය, මුස්ලිම් සංවිධාන, බුද්ධ ශාසන අමාත්‍ය ගාමිණී ජයවික්‍රම පෙරේරා මහතා, දුමින්ද දිසානායක ශ්‍රී ලංකා නිදහස් පක්ෂ ජාතික සංවිධායකවරයා ඇතුළු සංවිධාන සහ දේශපාලන නායකයන් රැසක් ඉල්ලීම් සිදු කර සිටියා.

කෙසේ වෙතත් ඊට විරුද්ධව මෙරට ක්‍රියාත්මක වන රාජ්‍ය නොවන සංවිධාන (NGO) කිහිපයක් ජනාධිපතිවරයාට ලිපි යොමු කරමින් ඥානසාර හිමි නිදහස් නොකරන ලෙස ඉල්ලීම් කර සිටියා.

ජනාධිපතිවරයාට සමීප ආරංචි මාර්ග සඳහන් කරන පරිදි ඥානසාර හිමි නිදහස් කිරීමේ තිරණයක ජනාධිපතිවරයා සිටින නමුත් එය පෙබරවරී 4ට යෙදෙන නිදහස් දිනයේදී සිදු නොකරන බවයි වාර්තා වන්නේ.

මෙම තීරණයත් පිළිබඳව භික්ෂුන් වහන්සේලා නොසතුටට පත්ව සිටින අතර ඥානසාර හිමි නිදහස් කරන ලෙස ඉල්ලා ඉදිරි සතියේදී උද්ඝෝෂණ රැසක් ක්‍රියාත්මක කිරීමට සුදානමින් සිටින බවයි වැඩිදුරටත් වාර්තා වන්නේ.

Related posts

ජාතික ආණ්ඩුවක් ආවත් මගෙන් ඇමැති පදවි නෑ

colombotoday

රාජිතට එරෙහිව පොලිස් මූලස්ථානයට පැමිණිල්ලක්…

colombotoday

මහර බන්ධනාගාරයෙන් පලායාමට තැත් කළ රැඳවියකු තාප්පයෙන් වැටී මරුට

colombotoday

ඉන්ටවල් ඉවරයි… පාතාලය, මත් ජාවාරම මැඩලීම හමුදාවට අතට…!

colombotoday

බදු ගෙවන්නා හඳුනා ගැනීමේ අංකයක් ඉදිරිපත් කිරීම පෙබරවාරි පළමුවනදා සිට ක්‍රියාත්මකයි

Admin

ලෝක විවාහක රූ රැජින කැරොලයින් ජූරි සහ චුලා පද්මේන්ද්‍ර අත්අඩංගුවට

colombotoday