Colombo Today Local NewsNew Constitution

නව ව්‍යවස්ථා යෝජනාවල තියන්නේ NGO කාරයන්ගේ අදහස් – මධ්‍යම මහඇමති

නව ආණ්ඩුක්‍රම ව්‍යවස්ථාවක් නිර්මාණය කිරීමේදී සැබෑ ලෙසම ශ්‍රී ලංකාවේ සියලුම ජනකොටස් නියෝජනයවන පරිදි මහජන අදහස් විමසීමේ ක්‍රමවේදයක් අනුගමනය කර ඇත්දැයි ප්‍රශ්නයක් මතුවන බව මධ්‍යම පළාත් මහ ඇමති සරත් ඒකනායක පවසයි.

“කමිටුවක් පිහිටුවලා දිවයින පුරා අදහස් විමසීම ආරම්භ කළා. මට ඒ වාර්තාව කියවූ විට දැනුණේ රාජ්‍ය නොවන සංවිධාන වැනි සීමිත කණ්ඩායම් වර්ග කීපයක අදහස් තමයි ඒ වාර්තාවේ අඩංගු වෙන්නේ,” යැයි මහඇමතිවරයා පවසයි.

ජනතාවට වඩාත් සමීප වී අදහස් විමසිය හැකි ක්‍රමවේදයක් සැකසීමේ වැදගත්කම මහ ඇමතිවරයා පෙන්වා දෙයි.

“මහ නගර සභාවක සියලුම කාර්ය මණ්ඩල නියෝජනයවන , වෛද්‍යවරු, පොලිස් නිලධාරීන් ඇතුළු රාජ්‍ය නිලධාරීන් ඉන්න වියත් සභාවකදී මම විමසීමක් කළා මේ ආණ්ඩුක්‍රම ව්‍යවස්ථාව පිළිබඳ කරුණු විමසීමට පත් කළ කමිටුවට මෙතන ඉන්න කවුරුන් හෝ අදහස් ලබා දී තිබෙනවද කියලා. අදහස් ලබා දීපු කිසිම කෙනෙක් එතන හිටියේ නැහැ, මම ඇරෙන්න.” ඔහු පැවසීය.

කෙන්යාවේ නව ආණ්ඩුක්‍රම ව්‍යවස්ථාවක් සැකසීමේදී ඒ සඳහා මහජන අදහස් ලබා දෙන ලෙස ඉල්ලා රූපවාහිනි පුවත් විකාශය අතරතුර දැන්වීම් පළ වූ බවත් මහ ඇමතිවරයා පෙන්වා දුණි. “එවැනි අවස්ථාවක් ලබා දුන්නොත් කාටවත් කියන්න බැහැ අපෙන් අදහස් ගත්තේ නැහැයි කියලා,”ඔහු පැවසීය.

කෙසේවෙතත් 1972 සහ 1978 යන ආණ්ඩුක්‍රම ව්‍යවස්ථා සැකසීමේදී මහජන අදහස් විමසීමක් සිදු නොවූ බවත් මහ ඇමතිවරයා කියා සිටියේය.

BBC

Related posts

අයවැය ජනවාරි මුල් සතියේ

colombotoday

කසළ ගොඩ ගැසේ.. කොළඹ ම දුගද හමයි.. වසංගත රෝග අවදානමක් ! සෞඛ්‍ය අංශ අනතුරු අගවයි

colombotoday

අලුත් අමාත්‍යාංශවලට අලුත් වාහන ගැනීම ජනපති නියෝගයෙන් අත්හිටුවයි !

colombotoday

හම්බන්තොට චීනයට දෙන නිසා ත්‍රිකුණාමලය ඉන්දියාවට දෙනවා – ෆොන්සේකා

colombotoday

කොරෝනා අරමුදලට දළදා මාලිගයෙන්,අස්ගිරිය සහ මල්වත්තෙන් රුපියල් කෝටි දෙකක්

colombotoday

කොළඹ රෝහල් පරිශ්‍රවල මත්ද්‍රව්‍ය ජාවාරමක් | මෙහෙයුමෙන් ඇල්ලූ රෝහල් සේවකයා පාතාල නායකයා දිනුක් ගෝලයෙක්

colombotoday