හිටපු ජනාධිපති මහින්ද රාජපක්ෂ මහතාගේ, කොළඹ 07 විජේරාම මාවතේ පිහිටි නිල නිවසට ඇතුළු වීමට උත්සාහ කළ පුද්ගලයෙකු අත්අඩංගුවට ගෙන තිබෙනවා.
සැකකරු තියුණු ආයුධයක් සහිතව එම නිවසට ඇතුළු වීමට උත්සාහ දරා ඇති බවයි පොලීසිය පවසන්නේ.
තමන්ට හිටපු ජනාධිපතිවරයා මුණ ගැසීමට අවශ්‍ය බවත්, එසේ නොවුනහොත් තමන් සිය දිවි හානි කර ගන්නා බවත් ඔහු සඳහන් කර ඇති බවද පොලීසිය සදහන් කරයි.
ගමන්මල්ලෙන් තියුණු ආයුධයක් ඉවතටගෙන ගෙල කපා ගැනීමට සැකකරු උත්සාහ දරා තිබෙනවා. කළහකාරී ලෙස හැසිරුණු අදාළ පුද්ගලයා පොලිස් අත්අඩංගුවටපත් වීමෙන් පසුව මේ වන විට කරුදුවත්ත පොලිස් ස්ථානය වෙත රැගෙන ගොස් ඇති බවයි වාර්තා වන්නේ.
සැකකරු බලංගොඩ ඉඹුල්පේ ප්‍රදේශයේ පදිංචිකරුවෙක්.