සමස්ත ලංකා ත්‍රිරෝද රථ හිමියන්ගේ සංගමයේ සභාපති සුනිල් ජයවර්ධන මහතාට “වැන් විල් ඉන්වෙස්ට්මන්ට්” නැමති ලිසිං ආයතනයේ පිරිසක් විසින් ඊයේ (10) දින සිදුකල පහරදීමක් හේතුවෙන් මරණයට පත්වී තිබෙනවා.
මාර්තු, අප්‍රේල්,මැයි මාස සඳහා ලීසිං වාරික ගෙවීමට නොහැකි වූ ත්‍රිරෝද රථ හිමියෙකුගේ QM 6608 දරන ත්‍රිරෝද රථය මෙම ආයතනය විසින් රජයේ නියමයන් ද නොතකමින් රැගෙන ගොස් ඇති බවට එම ත්‍රිරෝද රථයේ හිමිකරු විසින් සිදුකල පැමිණිල්ලකට අනුව ඒ පිළිබඳව විමසීම සඳහා සුනිල් ජයවර්ධන මහතා ඊයේ පස්වරුවේ අංක 253, පරණ කොට්ටාව පාර, ඇඹුල්දෙනිය, නුගේගොඩ ලිපිනයේ ඇති “වැන් විල් ඉන්වෙස්ට්මන්ට්” ආයතනයට ගොස් ඇති අතර එම අවස්ථාවේදී මෙම පහර දීම සිදුවී ඇත.
පහර දීමෙන් පසු රෝහලට ඇතුලත් කෙරුණු සුනිල් ජයවර්දන මහතා ඊයේ රාත්‍රියේ දී මියගොස් ඇත.
ප්‍රහාරයට සැක පිට පුද්ගලයින් අට දෙනෙකු දැනට අත්අඩංගුවට ගෙන ඇත.