අතුරුදන් වූවන් පිළිබඳ සොයා බැලීම සඳහා පත්කළ මැක්ස්වෙල් පරණගම කොමිෂන් සභා වාර්තාව ජිනීවා යෝජනාවට වඩා භයානක බව කැබිනට් සම ප්‍රකාශක අමාත්‍ය රාජිත සේනාරත්න මහතා පවසනවා.
ලංකාවේ අධිකරණ පද්ධතිය දුර්වල බවත් ඒ සදහා විදේශ නිරීක්ෂකයන්ගේ මැදිහත් වීම අවශ්‍ය බවත් පරණගම වාර්තාවෙන් නිර්දේශ කර ඇති බවත්, සුදු කොඩි සිද්ධිය, චැනල් ෆෝ වීඩියෝ ව පිළිබදවද නිරීක්ෂණය කළ යුතු බවට එහි සදහන් වන බත් ඒ මහතා වැඩි දුරටත් පෙන්ව දුන්හ. එම වාර්තාව මීට පෙර පාර්ලිමේන්තුවට ඉදිරිපත් කළේ නම්, ජිනීවා යෝජනාව භයානක ස්වාරූපයක් ගැනීමට ඉඩ තිබූ බවයි අමාත්‍යවරයා පෙන්වා දෙන්නේ.කැබිනට් තීරණ දැනුම් දීමේ මාධ්‍ය හමුවට සහභාගී වෙමින් හෙතෙම ඒ බව සඳහන් කළා.