ශ්‍රී ලංකා පොදු ජන පෙරමුණේ ජනාධිපති අපේක්ෂකයා ලෙස හිටපු ආරක්ෂක ලේකම් ගෝඨාබය රාජපක්ෂ මහතා එළෙඹෙන 11 වනදා නම් කළහොත්, ස්ථිර වශයෙන්ම තමා ශ්‍රී ලංකා නිදහස් පක්ෂය නියෝජනය කරමින් ජනාධිපතිවරණයට ඉදිරිපත් වෙන බව ජනාධිපති මෛත්‍රිපාල සිරිසේන පක්ෂ ජේෂ්ඨයන්ට පවසා තිබෙනවා.
ජනාධිපති අපේක්ෂයකයා ලෙස මෛත්‍රිපාල සිරිසේන මහතාත් අගමැති අපේක්ෂකයා ලෙස මහින්ද රාජපක්ෂ මහතාත් නම්කර පොදු ජන පෙරමුණ සහ ශ්‍රී ලංකා නිදහස් පක්ෂය එකතුව නව සන්ධානයකින් එළෙඹෙන ජනාධිපතිවරණයට ඉදිරිපත් වීමට ශ්‍රිනිප පාර්ශවයෙන් මීට ඉහතදී යෝජනා වූ අතර ඒ සඳහා පොහොට්ටුව නියෝජනය කරන මන්ත්‍රීවරු අති බහුතරය විරුද්ධ වී ඇත.
එවැනි වාතාවරණයක් තුල තමාව නොසලකා කටයුතු කරන්නේනම් වෙනම මැතිවරණයට ඉදිරිපත් වෙන බව සිරිසේන මහතා පැවසු බව ශ්‍රිනිප ජේෂ්ඨ මන්ත්‍රීවරයෙකු අප සමග පැවසීය.