පාතාල නායක මාකදුරේ මධුෂ්ගේ සමීපතමයෙකු සුරියවැව විහාරගලදී තංගල්ල කොට්ඨාස
අපරාධ විමර්ශන ඒකකයේ හා තංගල්ල කොට්ඨාස සංවිධානාත්මක අපරාධ මැඩලීම් ඒකකයේ
නිලධාරීන් විසින් අද (10) අත්අඩංගුවට ගෙන තිබේ.
මෙලෙස අත්අඩංගුවට පත්ව ඇත්තේ මාකදුරේ මදුෂ් සමග සෘජුව අපරාධ රැසකට සම්බන්ධ
අකුරැස්ස,තෙලිජ්ජවිල,තල්ගස්වත්ත පදිංචි 23 හැවිරිදි සැකකරුවෙකි.
මෙම අත්අඩංගුවට පත් සැකකරු මාකදුරේ මදුෂ්ගේ පියාගේ අවමඟුල් දිනයේදී
නිවසේ සියලු කටයුතු සොලා බලා සිදු කළ අයෙකු බවත්,ඔහු මාකදුරේ මධුෂ් සමග
දුරකතනයෙන් ඍජුවම සම්බන්ධකම් පවත්වන අයෙකු බවත් පොලිසිය සඳහන් කරයි.
මොහු ටි 56 ගිනි අවියක් හා ජිව උණ්ඩ 29 සමඟ අත්අඩංගුවට ගෙන ඇත.