Colombo Today Local News

කොරෝනා භිතිකාව ඇමරිකාවටත්…. පළමු රෝගියා වොෂින්ටනයේ දී මිය යයි !

කොරෝනා වයිරසය ආසාදනය වීමෙන් ඇමෙරිකාවේ වොෂින්ටන් ප්‍රාන්තයේ විසූ 50 හැවිරිදි පුද්ගලයකු මියගොස් ඇතැයි ඇමෙරිකානු බලධාරීහු ප්‍රකාශ කරති.
 
මෙය ඇමෙරිකාවේ පළමු කොරෝනා රෝගී මරණය බව වාර්තා වේ.

මේ අතර අද නිව්යෝර්ක් නුවරින් පළමු රෝගියා වාර්තා වූ බව ද බලධාරීහු පවසති. රෝගියා 30 හැවිරිදි කාන්තාවකි.

කොරෝනා රෝගීන් කිහිපදෙනෙකු මිය යාමට ඉඩ ඇති නමුත්, ඇමෙරිකානු ජාතිකයන් බහුතරය බිය නොවිය යුතු බව ඇමෙරිකා එක්සත් ජනපදයේ උප ජනාධිපති මයික් පෙන්ස් මහතා මාධ්‍යයට අදහස් දක්වමින්පැවසීය.
 
නිව්යෝක් විශ්වවිද්‍යාලයේ වෛද්‍යවරුන් ස‍ඳහන් කළේ, නිල වශයෙන් තහවුරු කර නොගත් ආසාදිතයන් ගණනක් මේවනවිටත් සිටින බවය.
 
වොෂින්ටන් නගරවාසීන්ගෙන් 150දෙනෙකු ආසාදිතයන් බව නිව්යෝක් ටයිම්ස් පුවත්පත් අනාවරණය කළේය.
 
පසුගිය සතියක කාලය තිස්සේ ඇමෙරිකානු බලධාරීන් වයිසරය ව්‍යාප්ත වන බවට දිගින් දිගටම අනතුරු අඟවා තිබූ නමුත් ජනපති ඩොනල්ඩ් ට්‍රම්ප් මහතා පවසා සිටියේ, වයිසරය ඇති රටවල සිට පැමිණෙන පිරිස නිවාරණ ක්‍රියාපටිපාටියකට යොමුකර අවශ්‍ය පියවර ගෙන ඇති බැවින් කලබල නොවන ලෙසය.
 
වොෂින්ටන්හි පිහිටි තාක්ෂණික විද්‍යායතනය අද සහ හෙට යන දෙදින තුළ  වසා දැමීමටත් සෞඛ්‍ය පියවර ගැනීමටත් පාලනාධිකාරිය කටයුතු කර ඇත.
 
වයිරසයෙන් මිය ගිය ගණන මේ වනවිට 3041 දක්වා ඉහළ ගොස් ඇති අතර, 88,443ක් ආසාදිත තත්වයේ පසුවෙති.

Related posts

IMF විස්තීර්ණ ණය පහසුකමට අදාළ වැඩසටහන සාර්ථකව සිදුකෙරෙනවා – මහ බැංකු අධිපති

Admin

කොරෝනා වෛරසය ආසාදනය වු පළමු ලාංකිකයා රෝහලෙන් පිටව යයි

colombotoday

ජාත්‍යන්තරයෙන් ආධාර ගලනවා.. ආයෝජකයො වැහි වැහැලා.. රටම දැන් වැඩබිමක් – නි ඇමති හර්ෂ

colombotoday

තෙරුවණට අපහාස කළ අබ්දුල් රාසික්ට ඇප නෑ.. නැවතත් රිමාන්ඩ්

colombotoday

අල්ලස් ගනිද්දී කාර්යමණ්ඩල ප්‍රධානියා අත්අඩංගුවට ගැනීම ගැන ජනපතිගේ මතය මෙන්න

colombotoday

මතට ලොල් පුතා මව ඉදිරියේ තාත්තා මරා ගිනි තියලා

colombotoday