උතුරු කොරියානු නායක කිම් ජොං උන් සහ අමෙරිකානු ජනාධිපති ඩොනල්ඞ් ට්‍රම්ප් අතර ඓතිහාසික හමුව පවත්වා තිබෙනවා.
උතුරු කොරියාව හා දකුණු කොරියාව අතර යුධ මුක්ත කලාපයේදී මෙම හමුව පැවැති බවයි විදෙස් මාධ්‍ය වාර්තා සඳහන් කළේ.
එහිදී දෙරටේ නායකයන් අතර පැයකට ආසන්න කාලයක් සකච්ඡා පවත්වා තිබෙනවා.
න්‍යෂ්ටික වැඩසටහන් සම්බන්ධයෙන් සිදු කළ සාකච්ඡා නැවත ආරම්භ කිරීම පිළිබඳව එහිදී අවධානය යොමුව ඇති බව සඳහන්.
එම සාකච්ඡා පසුගිය පෙබරවාරි මාසයේදී නවතා දැමුණේ, උතුරු කොරියානු න්‍යෂ්ටික හරණ වැඩසටහන සම්බන්ධයෙන් ඇති වූ මත ගැටුමක් හේතුවෙන් බවයි වාර්තා වන්නේ
ඩොනල්ඞ් ට්‍රම්ප් සහ කිම් ජොං අතර තෙවරක් මුහුණට මුහුණ සාකච්ඡා පැවැති අතර අමෙරිකානු ජනාධිපතිවරයෙක් උතුරු කොරියාවේ සංචාරය කළ පළමු අවස්ථාව ද මෙය වනු ඇති.
කෙසේ වෙතත් මෙම හමුව ඓතිහාසික මෙන්ම ආශ්චර්යජනක ලෙසයි හඳුන්වාදී ඇත්තේ.