පාතාල කල්ලි සාමාජිකයෙකු ලෙස සැලකෙන “කෙසෙල්වත්තේ දිනුකගේ” ගෝලයෙක් වන අස්වර් නැමැත්තා හෙරොයින් ග්‍රෑම් 40ක්, අයිස් ග්‍රෑම් 15 ක් සහ කේරළ ගංජා කිලෝග්‍රෑම් 2.5 ක් සමග උස්වැටකෙයියාව ප්‍රදේශයේ දී අත්අඩංගුවට ගෙන තිබේ.
බස්නාහිර පළාත හා රථවාහන භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත අද (26)දින උදෑසන මෙම වැටලීම සිදුකර ඇත.
අත්අඩංගුවට ගත් සැකකරු මට්ටක්කුලිය ප්‍රදේශයේ පදිංචිකරුවෙක් වෙන අතර, ඔහුගේ බිරිඳ මේ වන විට බන්ධනාගාර ගත කර සිටියි.