කිලිනොච්චි සහ මුලතිව් දිස්ත්‍රික්කයන්හි යුද සමයේ ආරක්ෂක අවශ්‍යතාවයන් සඳහා සන්නද්ධ හමුදාවන් සතුව පැවති තවත් ඉඩම් අක්කර 613ක් මුල් ඉඩම් හිමිකරුවන් යැයි හදුනාගත් අයට සහ අවතැන් වූ ජනතාව වෙත ලබාදීම කිලිනොච්චිහි වඩමාරච්චි ප්‍රදේශයේ 5 වැනිදා පැවති ජාතික වැපිරීම් සහ කෘෂිකාර්මික උත්සවයට සහබාගී වූ ජනාධිපති මෛත්‍රීපාල සිරිසේන මහතා අතින් සිදුවිය.
මුලතිව් සහ කිලිනොච්චි ආරක්ෂක සේනා මූලස්ථානයන් යටතේ යුද්ධය සමයේ කිලිනොච්චි දිස්ත්‍රික්කයේ ඉඩම් අක්කර 474ක් සහ මුලතිව් දිස්ත්‍රක්කයේ ඉඩම් අක්කර 139ක් වශයෙන් ඉඩම් අක්කර 613 ක් ආරක්ෂක කටයුතු සඳහා ත්‍රිවිධ හමුදාව යටතේ පැවතිනි.
මීට පෙර ජනාධිපති මෛත්‍රීපාල සිරිසේන මහතා ජනවාරි මස උතුරේ සංචාරය කළ අවස්ථාවේ තවත් ඉඩම් අක්කර 1000ක් සිවිල් වැසියන් අතට පත් කරනු ලැබීය.