Colombo Today Local News

යතුරුපැදිවලට, කුඩා ලොරි රථවලට බදු සහන දුන් හේතුව ඇගමැති කියයි

රාජපක්ෂලා ගත් අති දැවැන්ත ණය ගෙවා ගැනීමට හැකි තරමේ ආදායමක් වර්ධනය කර ගෙන තිබෙන බැවින් වත්මන් රජය කුඩා ලොරි රථ, සින්ගල් කැබ් හා යතුරුපැදි සඳහා මෙතෙක් ගෙවූ බදු වලින් 90% ක් අඩු කරමින් සහන ලබා දීමට හැකි වූ බව අගමැති රනිල් වික්‍රමසිංහ මහතා පවසයි.

අකුරැස්ස ආසනයේ හුලංදාව, මාලිම්බඩ, තිබ්බටුවා යන ප්‍රදේශයන්හි ප්‍රාදේශීය සභා කාර්යාල විවෘත කිරීම් හා වතු නිවාස ව්‍යාපෘති හා කුඩා ජනහමු අවස්ථාවන්වලට සහභාගී වෙමින් අගමැතිවරයා 18 දා එබව සඳහන් කළේය.

“අන්තර්ජාල භාවිතයට බදු පනවද්දී තරුණයෝ අපට දොස් නැගුවා. අන්තර්ජාල භාවිතය වැඩි කරන බව මැතිවරණ සමයේ පවසා දැන් කරන්නේ කුමක්දැයි විමසුවා. මේ බදු වැඩි කරන්නේ තාවකාලිකව බව අප එහිදී පැවැසුවා.

ආර්ථිකය හැදෙන තුරු කල් දෙන ලෙස ඉල්ලා සිටියා. ඇතැම්විට අපට අමාරු තීරණ ගන්නට සිදු වෙනවා. බැනුම් අහන තීරණ ගන්න වෙනවා. නමුත් අද වනවිට අපේ ආදායම ණය ගෙවා දැමිය හැකි මට්ටමකට ගෙනැවිත් තිබෙන නිසා අපි පැනවූ බදු ඉවත් කළා.

ආර්ථික වශයෙන් වැදගත් වන කුඩා වාහන මිල අඩුකර තිබෙනවා. “බට්ටා” වාහනවල බද්දත් අඩුකර තිබෙනවා. ඒ අනුව ලක්‍ෂ තුනකින් පමණ ඒවායේ මිල අඩුවේවි.

තරුණයන් සඳහා යතුරු පැදි අත්‍යවශ්‍යයි. සමහරුන්ට විශාල ප්‍රමාණයේ යතුරු පැදි මිලදීගත හැකියි. නමුත් කුඩා වාහන මිලදී ගන්නා අයට අප විශේෂ සහනයක් ලබාදී තිබෙනවා. එම වාහන ගෙන්වීම අපරාධයක් නාස්තියක් නොවේ. එයින් කුඩා ගම්මාන වල ආර්ථිකය දියුණුවට ගත් වෙනවා.“ අගමැතිවරයා පැවසීය.

Related posts

දේශපාලන වියවුල මැද ඩොලරය පිම්මේ නගී… ඉතිහාසයේ වැඩිම අගය අද වාර්තා කරයි…

colombotoday

ත්‍රිපිටකය ලෝක උරුමයක් කිරිමේ යෝජනාව 23දා යුනෙස්කෝවට…

colombotoday

මර්දනයක් දියත් කරනවාද සැකයි, ආණ්ඩුවේ මේ ගමනට එරෙහිව පෙළගැසිය යුතුයි – ජවිපෙ

colombotoday

ඥානසාර හිමිගේ නිදහස වෙනුවෙන් උපරිම ශක්තිය යොදවලා කටයුතු කරනවා – කෝට්ටේ මහානාහිමි

colombotoday

බද්දේගම, තිබිල්ල රක්ෂිතය අනවසරයෙන් එළිපෙහෙළි කළ ප්‍රා. සභා මන්ත්‍රීවරයෙක් අත්අඩංගුවට

colombotoday

මහබැංකු බැදුම්කරයෙන් සුපිරි ගැහිල්ලක්.. ජනපති දන‍්නෙත් නෑ, කැබිනට්එක දන්නෙත් නෑ

colombotoday