Colombo Today Local News

ඇලෝසියස්ට, පලිසේනට ඇප දෙනවාද නැද්ද තීරණය ඡන්දෙන් පසු

මහ බැංකු බැඳුම්කර වංචාව සම්බන්ධයෙන් රක්ෂිත බන්ධනාගාරගත කොට සිටින පර්පචුවල් ට්‍රෙෂරීස් සමාගමේ හිමිකරු ලෙස සැලකෙන අර්ජුන් ඇලෝසියස්ට සහ එහි ප්‍රධාන විධායක නිලධාරි කසුල් පලිසේන යන අයට ඇප ඉල්ලා කොළඹ කොටුව මහේස්ත්‍රාත් අධිකරණයට (07) ලිඛිත ඇප අයැදීමක් ඉදිරිපත් කර තිබේ.

ඔවුන්ගේ නීතිඥයන් විසින් ඇප ඉල්ලීම ඉදිරිපත් කළ අතර ඇප අයැදීම සම්බන්ධයෙන් නියෝගය ලබන 16 වැනිදා ලබාදෙන බව කොළඹ කොටුව මහෙස්ත්‍රාත් සහ අතිරේක දිසා විනිසුරු ලංකා ජයරත්න මෙනෙවිය දන්වා ඇත.

විත්තියේ ඇප ඉල්ලීම සම්බන්ධයෙන් පැමිණිල්ලේ ලිඛිත සැලකිරීම් ලබන සිකුරාදාට ඉදිරිපත් කරන ලෙස මහෙස්ත්‍රාත්වරිය නීතිපතිවරයාට දන්වා තිබේ.

පසුගිය ඉරිදා (04) අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් අර්ජුන් ඇලෝසියස් සහ කසුන් පලිසේන එදින රාත්‍රියේ කොටුව මහෙස්ත්‍රාත්වරියගේ නිවෙසට ඉදිරිපත් කිරීමෙන් පසු මහෙස්ත්‍රාත්වරිය විසින් පසුගිය 05 වැනිදා දක්වා රක්ෂිත බන්ධනාගාර ගත කරනු ලැබූ අතර 05වනදා අධිකරණයට ඉදිරිපත් කිරීමෙන් පසු මේ මස 16 වැනිදා දක්වා ඔවුන්ව තවදුරටත් රක්ෂිත බන්ධනාගාර ගත කරන ලෙස කොටුව මහෙස්ත්‍රාත්වරිය නියෝග කළාය.

පැමිණිල්ලේ ලිඛිත සැලකිරීම් සඳහා නඩුව අද (09) යලි කැඳවීමට නියමිතය.

Related posts

ප්‍රසිද්ධ පාසලක විදුහල්පතිවරයෙක් අල්ලස් දැලේ

colombotoday

කොරෝනා ආසාදනය වු බවට සැක අකුරණ මුස්ලිම් ජාතිකයෙකු IDH රෝහලට

colombotoday

2024 අයවැය පාර්ලිමේන්තුවට ඉදිරිපත් කරන්න කැබිනට් අනුමැතිය

Admin

“සිංහල – බෞද්ධ උතුරට එපා“ කියන “එළුඟ තමිල්“ විරෝධතාවට දෙමළ පක්ෂ රැසක් !

colombotoday

ඉන්දියාවේ අභ්‍යන්තර කටයුතුවල අත නොතබන්නැයි ඉන්දීය රජය අල් හුසේන්ට දන්වයි

colombotoday

කිරිවෙහෙර නාහිමි ඝාතන තැතට හේතුව හෙළිවෙයි.. කොන්ත්‍රාත්තුව දේවාලයේ කපුවාගෙන්…

colombotoday