Colombo Today Local NewsCovid 19World

ඇමරිකාව ජාතික හදිසි අවස්ථාවක් ප්‍රකාශයට පත් කරයි!

කොවිඩ්-19 හෙවත් නව කොරෝනා වෛරසය පිටුදැකීමේ ප්‍රයන්තය වෙනුවෙන් ඇමෙරිකා එක්සත් ජනපදය පුරා ජාතික හදිසි අවස්ථාවක් ප්‍රකාශයට පත්කිරීමට ජනාධිපති ඩොනල්ඩ් ට්‍රම්ප් ක්‍රියා කළේය.

ඊයේ (13දා) සවස විශේෂ ප්‍රකාශයක් සිදුකරමින් ජනාධිපතිවරයා මෙම හදිසි අවස්ථාව පිළිබඳ ඇමෙරිකාව දැනුවත් කළේය.

මෙම ජාතික හදිසි අවස්ථාව වෙනුවෙන් ඇමෙරිකාවේ සියලුම ප්‍රාන්ත සම්බන්ධ වන අතර, මෙම ක්‍රියාව ඇ.ඩො.බිලියන 50ක් දක්වා වූ ප්‍රවේශයක් බවද ඇමෙරිකානු නායකයා සඳහන් කළේය.

මෙම වෛරස ආසාදනයට එරෙහි ඒකාබද්ධ සටනේදී සියලු ප්‍රාන්ත සහ කලාප මෙන්ම නගර සඳහා මෙය විශාල මුදලක් බවද ඔහු පවසා සිටියේය.

ජනාධිපතිවරයා හදිසි අවස්ථාව ප්‍රකාශයට පත්කරමින් ස්ටැෆර්ඩ් පනත ක්‍රියාත්මක කිරීමටද කටයුතු කර තිබේ. ස්ටැෆර්ඩ් පනත යනු අතිරේක ෆෙඩරල් අරමුදල් නිදහස් කර අරමුදල් වෙත ප්‍රවේශ වීමට ඉඩ සලසන පනතකි.

එමෙන්ම හදිසි මෙහෙයුම් මධ්‍යස්ථාන වහාම පිහිටුවන ලෙස ට්‍රම්ප් සියලුම ප්‍රාන්තවලින් ඉල්ලා සිටියේය.

මේ අතර, කොවිඩ්-19 ආසාදනය වී ඇත්දැයි තහවුරු කරන පරීක්ෂණ සෑම අයෙකුම සිදුකිරීමේ අවශ්‍යතාවක් නොමැති බවද ට්‍රම්ප් කියා සිටියේය.

“යමෙකු මෙම පරීක්ෂාව නොකළ යුතු යැයි අපට හැඟේ නම් ඔවුන්ගේ පරීක්ෂණයක් කිරීමට අපට අවශ්‍ය නැහැ. සෑම කෙනෙකුම දුව ගොස් රැගෙන යාම අපට අවශ්‍ය නැහැ. ඔබට යම් රෝග ලක්ෂණ ඇත්නම් පමණක් පරීක්ෂණයට මුහුණ දෙන්න.” ට්‍රම්ප් කීවේය.

එමෙන්ම ජනාධිපති ට්‍රම්ප් නිවේදනය කළේ පෞද්ගලික විද්‍යාගාර සහ එන්නත් සංවර්ධකයන්ට මාසයක් තුළ නව කොරෝනා වෛරස පරීක්ෂණ මිලියන පහක් ලබාදිය හැකි බවයි.

යන එන ගමන් සිදුකරගත හැකි ලෙස නව කොරෝනා වෛරස පරීක්ෂණ වැඩි පිරිසකට ලබාදීම සඳහා පරීක්ෂණ ස්ථාන සකස් කරන බවත්, වෙනත් රටවල මෙය ක්‍රියාත්මක කර ඇති බවත් ඔහු කියා සිටියේය.

Related posts

අඩි ගසා වෙරි වුවෝ පන්ති කාමරයකට ගිනි තියයි

colombotoday

ඒකාබද්ධයේ සියළු මන්ත්‍රීන් ශ්‍රීලනිප සංවත්සරය වර්ජණයට තීරණයක් !

colombotoday

ඤාණසාර හිමියන් බන්ධනාගාරයෙන් නිදහස් කිරීම හෙට (23) සවස 3 ට….

colombotoday

එක රටක්, එක නීතියක් සඳහා වූ ජනාධිපති කාර්ය සාධක බලකායේ නිල කාලය දීර්ඝ කෙරේ

colombotoday

රංජිත්-රන්ජන්-රාජිත ඇතුළු හිටපු රජයේ මැති ඇමතිවරුන් ඇතුළු 7කට සිතාසි

colombotoday

“ඔළුවේ මෝටාර් කෑල්ලක්‌ නිල ඇඳුමේ රණශූර පදක්‌කමක්‌ තියාගෙන මං එල්ලුම් ගහ දිහා බලාගෙන ඉන්නවා” රණවිරු සුනිල් රත්නායක

colombotoday