Colombo Today Local News

අසීරු සෑම අවස්ථාවකදීම පක්ෂය ආරක්ෂා කරගත්තා. දිනන්න පුලුවන්නම් ඉන්නවා. බැරිනම් යනවා. රනිල් කියයි

එළඹෙන ජනාධිපතිවරණය ජයගත හැකිනම් ඊට ඉදිරිපත් වන බවත් එය කළ නොහැකි නම් ඉවත්ව යන බවත් අග්‍රාමාත්‍ය රනිල් වික්‍රමසිංහ මහතා පක්ෂයේ පැරණිතම සාමාජිකයින් පිරිසක් හමුවේ ප්‍රකාශ කර තිබේ.

ඒ අරලියගහ මන්දිරයේ ඊයේ(12) උදෑසන පැවති හමුවකදීයී.

බියගම සහ කැලණිය මැතිවරණ කොට්ඨාසවල එක්සත් ජාතික පක්ෂයේ පැරණිතම සාමාජිකයින් පිරිසක් හා අග්‍රාමාත්‍ය රනිල් වික්‍රමසිංහ මහතා අතර හමුවක් ඊයේ පෙරවරුවේ අරලියගහමන්දිරයේදී පැවැත් විය.

එහිදී අග්‍රාමාත්‍යවරයා ප්‍රකාශ කර ඇත්තේ එක්සත් ජාතික පක්ෂයේ නායකයා ලෙස පක්ෂය මූලිකත්වයෙන් පිහිටුවන සන්ධානය දිනවීම සිය යුතුකම බවයි.

එළඹෙන ජනාධිපතිවරණයේදී එම වගකීම ඉටුකළ නොහැකි නම් පිටව යෑම තමාට කිසිදු ගැටලුවක් නොවන බවද අග්‍රාමාත්‍යවරයා මෙහිදී ප්‍රකාශ කර තිබේ.

වයස අවුරුදු 70 වන තෙක් මෙරට දේශපාලන ක්ෂේත්‍රයේ තනතුරු රැසක් දැරූ තමාට දේශපාලනයෙන් විශ්‍රාම ගැනීම එතරම් අසීරු කටයුත්තක් නොවන බවයි වික්‍රමසිංහ මහතා එහිදී සඳහන් කර තිබුණේය.

අසීරු සෑම අවස්ථාවකදීම පක්ෂය ආරක්ෂා කරගත් නායකයා ලෙස එළඹෙන ජනාධිපතිවරණය ජයගතහැකිනම් ඊට ඉදිරිපත් වන බවත් එය කළ නොහැකි නම් පිටව යන බවත් අග්‍රාමාත්‍ය රනිල් වික්‍රමසිංහ මහතා මෙහිදී පිරිස හමුවේ පවසා තිබේ.

පක්ෂයේ නායකයින් රටට අහිමිවී යමින් තිබු පසුබිමක පක්ෂයේ නායකත්වය භාරගනිමින් අසීරුම කාලයේදී ක්‍රියා කළ ආකාරයත් පක්ෂය වැටුණු සෑම අවස්ථාවකම එය ගොඩගත් ආකාරයත් රනිල් වික්‍රමසිංහ මහතා මෙහිදී සිහිපත් කර තිබුණි.

Related posts

පාකිස්තාන සරණාගතයන් ඉවත් කරැන්නැයි ඉල්ලා අම්බලන්තොට හර්තාල්…

colombotoday

ආණ්ඩුක්‍රම ව්‍යවස්ථා ප්‍රතිසංස්කරණ පිළිබඳ කමිටුවට ජනපතිගේ ප්‍රශංසාව

colombotoday

උත්සව සමයේ අවශ්‍ය වුවහොත් සංචරණ සීමා පනවනවා – යුද හමුදාපති

colombotoday

19 අහෝසි කිරීමට කැබිනට් අනුමැතිය

colombotoday

ලාංකික සරණාගතයන්ටත් යුරෝපයේ රටවල් 4ක දොර වැසේ

colombotoday

එරික් සෝල්හයිම් දිවයිනට

colombotoday