ශ්‍රි ලංකා වෛද්‍ය සභාව මගින් නිර්දේශිත අවම සුදුසුකම නොමැති සිසුන් කොතලාවල ආරක්ෂක විශ්වවිද්‍යාලීය වෛද්‍ය පීඨයට ඇතුලත් කර නොගන්නා ලෙස බල කරමින් වෛද්‍ය පීඨ ආචාර්යවරු කොතලාවල වෛද්‍ය පීඨයේ ඉගැන්වීම් කටයුතුවලින් බැහැරවන බවට තීරණය කර තිබේ.
වෛද්‍ය විද්‍යාව හැදෑරීම සඳහා ශ්‍රී ලංකා වෛද්‍ය සභාව මගින් නිර්දේශිත අවම සුදුසුකම වන උසස්පෙළ ජීව විද්‍යා විශය ධාරාව යටතේ සී සාමාර්ථ දෙකක් සහ එස් සාමාර්ථයක් යන නිර්දේශය අවම සුදුසුකම ලෙස පිළිගතයුතු බවත් එයට අඩු සාමාර්ථ සහිත සිසුන් ඇතුලත් කර ගැනීමට රජය විසින් ගෙන ඇති තීරණයට තම සංගමය විරෝධය පල කරන බවත් වෛද්‍ය මනුජ් සී. වීරසිංහ මහතා පවසයි.